ဝက်စ်ဟမ်းတိုက်စစ်မှူးဟောင်း အန်တိုနီယို ဟာ လိဂ်ချန်ပီယံရှစ်ကလပ် ဝက်ဖို့ဒ်အသင်းထံ ပြောင်းရွှေ့ ကြေးအလွတ်နဲ့ ရောက်ရှိခဲ့ပါတယ်။ အန်တိုနီယို ဟာ ၂၀၂၄ ခုနှစ် ဒီဇင်ဘာလ ၃ ရက်မှာ ဝက်စ်ဟမ်းအသင်းအတွက် နောက်ဆုံးကစားခဲ့ပြီးနောက် လေးရက်အကြာမှာ ယာဉ်မတော်တဆဖြစ်ပြီး ခြေထောက်ကျိုးခဲ့ပါတယ်။ ကာတာကလပ် Al-Sailiya အသင်းအတွက် ဧပြီလမှာ နောက်ဆုံးကစားခဲ့ပြီး စုစုပေါင်း လေးပွဲသာ ရှိခဲ့ပါ တယ်။ အန်တိုနီယို ဟာ ပြီးခဲ့တဲ့လကတည်းက ဝက်ဖို့ဒ်အသင်းမှာ လေ့ကျင့်ခန်းဆင်းနေပြီးနောက် တစ်နှစ်စာချုပ်နဲ့ ခေါ်ယူခံခဲ့ရတာဖြစ်ပါတယ်။ အန်တိုနီယို အနေနဲ့ ဝက်ဖို့ဒ်အသင်းမှာ ကျောနံပါတ် ၁၈ ဝတ်ဆင်မှာဖြစ်ပြီး အသင်းရဲ့ အခုနွေရာသီ ၁၂ ဦးမြောက် ခေါ်ယူမှု ဖြစ်ခဲ့ပါတယ်။ (NVS 008)