ရတနာပုံဆိုက်ဘာစီးတီးစီမံကိန်းလုပ်ငန်းအတွက် ရင်းနှီးမြှုပ်နှံဆောင်ရွက်လိုတဲ့ ပြည်တွင်း၊ ပြည်ပကုမ္ပဏီ များကို စိတ်ဝင်စားမှုအဆိုပြုလွှာ(Expression of Interest - EOI) တင်သွင်းရန် ရတနာပုံဆိုက်ဘာစီးတီးစီမံကိန်း ကြီးကြပ်မှုကော်မတီကနေ ဖိတ်ခေါ်ထားပါတယ်။ အဆိုပါဖိတ်ခေါ်ချက်အရ မန္တလေးတိုင်းဒေသကြီး၊ ပြင်ဦးလွင်ခရိုင်၊ မန္တလေး-လားရှိုးလမ်းမကြီး၊ ၂၁ မိုင်အနီး ပတ်ဝန်းကျင်ရှိ မြေဧရိယာ ၂,၂၀၀ ဧကအတွင်းရှိ ၁,၄၀၀ ဧကကို Soft-based Industry အခြေခံတဲ့ ရတနာပုံဆိုက်ဘာ စီးတီးစီမံကိန်းကို ပုဂ္ဂလိကရင်းနှီးမြှုပ်နှံမှုနဲ့ အကောင်အထည်ဖော်ဆောင်ရွက်မည်ဖြစ်၍ စိတ်ပါဝင်စားသော ပြည်တွင်း၊ပြည်ပကုမ္ပဏီများအနေနဲ့စိတ်ဝင်စားမှုအဆိုပြုလွှာတင်သွင်းနိုင်ကြောင်းဖိတ်ခေါ်ထားပါတယ်။ အဆိုပြုလွှာပုံစံများကို ဇူလိုင်လ ၁၀ ရက်မှစတင်၍ ဩဂုတ်လ ၁၀ ရက်အထိ ရုံးချိန်အတွင်း ရောင်းချပေး သွားမည်ဖြစ်ကြောင်း ဝယ်ယူပြီးအဆိုပြုလွှာများကိုလည်း ဩဂုတ်လ ၂၅ ရက်မှာ ပြန်လည်တင်သွင်းရမှာဖြစ်ပါတယ်။ အဆိုပြုလွှာပုံစံ များကို မြို့ပြနှင့်အိမ်ရာဖွံ့ဖြိုးရေးဦးစီးဌာန၊ ရုံးအမှတ်(၄၀)၊ နေပြည်တော်မှာ ရောင်းချပေးသွားမှာဖြစ်ကြောင်းနှင့် အသေးစိတ်သိရှိလိုပါက ရုံးချိန်အတွင်း ဆက်သွယ်စုံစမ်းနိုင်ကြောင်း သိရပါတယ်။ (NVS 008)