လာမယ့် သြဂုတ်လ ၂၈ ရက်(ဝါခေါင်လပြည့်နေ့)၌ ရွှေတိဂုံစေတီတော်မြတ်ကြီးအား ပန်းပေါင်း ၈၄,၀၀၀ နဲ့ပူဇော်မည်ဖြစ်ကြောင်း ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့ထံမှ သိရပါတယ်။ ရွှေတိဂုံ စေတီတော်မြတ်ကြီး၌ ဝါတွင်းကာလ ဗုဒ္ဓပူဇနိယပွဲတော်များနှင့်သီလခံယူပွဲများအဖြစ် ဇူလိုင်လ ၂၉ ရက် (ဝါဆို လပြည့်နေ့)တွင် ဓမ္မစကြာအခါတော်နေ့အခမ်းအနားနှင့်ဝါဆိုရွှေကြာသင်္ကန်းကပ်လှူပူဇော်ပွဲတို့ကို ကျင်းပသွားမှာ ဖြစ်ကြောင်း သိရပါတယ်။ ဒါ့အပြင် သြဂုတ်လ ၂၈ ရက်(ဝါခေါင်လပြည့်နေ့)တွင်လည်း မေတ္တာအခါတော်နေ့ အခမ်းအနားကိုဆင်ယင်ကျင်းပပြီး ပန်းပေါင်း ၈၄,၀၀၀ နဲ့ပူဇော်သွားမှာဖြစ်ပြီး စက်တင်ဘာလ ၂၆ ရက် (တော်သလင်းလပြည့်နေ့) တွင် ဂရုဓမ္မအခါတော်နေ့အခမ်းအနားတို့ကိုဆင်ယင်ကျင်းပသွားမှာ ဖြစ်ပါတယ်။ အောက်တိုဘာလ ၂၅ ရက်(သီတင်းကျွတ်အဖိတ်နေ့)တွင် သီတင်းကျွတ်မီးထွန်းပွဲတော်၊ အောက်တိုဘာလ ၂၆ ရက်(သီတင်းကျွတ်လပြည့်နေ့)တွင် အဘိဓမ္မာအခါတော်နေ့အခမ်းအနားများကိုလည်း ဆင်ယင်ကျင်းပသွားမှာ ဖြစ်ပါတယ်။ ဝါဆိုလပြည့်နေ့မှစပြီး သီတင်းကျွတ်လပြည့်နေ့အထိ လပြည့်၊ လကွယ်နှင့် ကြားရက် ဥပုသ်နေ့များ တွင် ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့ ဩဝါဒါစရိယဆရာတော်ကြီးများထံမှ သီလခံယူ ဆောက်တည်နိုင်ရန် သီလခံယူပွဲများကိုလည်းစီစဉ်ထားကြောင်း သိရပါတယ်။ (NVS 004)