“ဧရာဝတီဖောင်ဒေးရှင်းက တက္ကသိုလ်ဝင်စာမေးပွဲအောင် ကျောင်းသား/သူ ၅၀ ဦးကို ပညာသင်ဆုထောက်ပံ့မည်”
10 Jul
ဧရာဝတီဖောင်ဒေးရှင်းက ၂၀၂၅–၂၀၂၆ ပညာသင်နှစ် တက္ကသိုလ်ဝင်စာမေးပွဲ အောင်မြင်ခဲ့တဲ့ ကျောင်းသား၊ ကျောင်းသူများအနက် အရည်အချင်းနှင့် ကိုက်ညီသူ ၅၀ ဦးကို ရွေးချယ်ကာ တက္ကသိုလ်ပညာသင်ကြားနေတဲ့ ကာလတစ်လျှောက် ပညာသင်ဆု ထောက်ပံ့ပေးသွားမည်ဖြစ်ကြောင်း အသိပေးထုတ်ပြန်ထားပါတယ်။ အဆိုပါပညာသင်ဆုရရှိသူများကို လစဉ်ပညာသင်ဆုကြေး ကျပ် ၃ သိန်းနှင့် သင်ထောက်ကူပစ္စည်းများ ဝယ်ယူနိုင်ရန် နှစ်စဉ်ထောက်ပံ့ကြေး ကျပ် ၅ သိန်း ထောက်ပံ့ပေးသွားမှာဖြစ်ပါတယ်။ ပညာသင်ဆု လျှောက်ထားသူ များအနေနဲ့ မြန်မာနိုင်ငံသားဖြစ်သူ ၂၀၂၅–၂၀၂၆ ပညာသင်နှစ် တက္ကသိုလ်ဝင်စာမေးပွဲအောင်မြင်ထားသူဖြစ်ကာ သက်ဆိုင်ရာတက္ကသိုလ်၊ ကောလိပ်သို့မဟုတ်ပညာရေးအဖွဲ့အစည်းတစ်ခုခုမှာ ဝင်ခွင့်ရရှိထားသူများ လျှောက်ထား နိုင်မှာ ဖြစ်ပါတယ်။ လျှောက်ထားလိုသူများအနေနဲ့ ၂၀၂၆ ခုနှစ် အောက်တိုဘာလ ၃၁ ရက် နောက်ဆုံးထား ကာ ဧရာဝတီဖောင်ဒေးရှင်းရုံးသို့ ပေးပို့လျှောက်ထားနိုင်ကြောင်း သိရပါတယ်။ (NVS 008)
