“ကိတ်ဗာဒီအသင်းနဲ့ သရေတစ်မှတ်ခွဲယူခဲ့ရတဲ့ စပိန်အသင်း”
16 Jun
နည်းပြ ဒယ်လာဖွန်တေးရဲ့ စပိန်အသင်းက ကမ္ဘာ့ဖလားပွဲဦးထွက်မှာ အသင်းငယ် ကိတ်ဗာဒီအသင်းကို သရေကျကာ ရမှတ်တစ်မှတ်ဆီ ခွဲယူလိုက်ပါတယ်။ ကမ္ဘာ့ဖလားသမိုင်းတစ်လျှောက် အံ့အားသင့်စရာအကောင်းဆုံး ရလဒ်တွေထဲကတစ်ခုအဖြစ် ကိတ်ဗာဒီအသင်းဟာ ဥရောပချန်ပီယံ စပိန်အသင်းကို ဂိုးမရှိသရေရလဒ်နဲ့ ကစားနိုင်ခဲ့ပါတယ်။ လူဦးရေ ငါးသိန်းဝန်းကျင်သာရှိတဲ့ ကိတ်ဗာဒီနိုင်ငံဟာ ကမ္ဘာ့ဖလား နောက်ဆုံးအဆင့် ပြိုင်ပွဲဆီ တက်ရောက်နိုင်ခဲ့တဲ့ သမိုင်းတစ်လျှောက် ဒုတိယမြောက် လူဦးရေအနည်းဆုံး နိုင်ငံလည်း ဖြစ်ပါတယ်။ ဒါပေမယ့် သူတို့ရဲ့ ကမ္ဘာ့ဖလား ပထမဆုံးပွဲစဉ်မှာတင် ၂၀၁၀ ချန်ပီယံ စပိန်အသင်းကို ပေးဂိုးမပေးရဘဲ ဂိုးမရှိသရေ ကစားနိုင်ခဲ့တာဖြစ်ပြီး ဒါဟာ အသက် ၄၀ အရွယ် ဝါရင့်ဂိုးသမား ဗိုဇင်ညာ ရဲ့ လက်စွမ်းပြမှုကြောင့်လည်း ဖြစ်ပါတယ်။ အခုပွဲစဉ်ကြောင့် ကမ္ဘာ့ဖလားချန်ပီယံဖြစ်ရန် ရေပန်းစားနေတဲ့ စပိန်အသင်းရဲ့ ခြေစွမ်းတွေကို ဆက်လက် စောင့်ကြည့်ရတော့မှာ ဖြစ်ပါတယ်။ (NVS 008)
