“ပေါင်မြို့နယ်မှာ ခရိုင်အဆင့် မုန်တိုင်းဘေးအန္တရာယ်နှင့် ရေဘေးအန္တရာယ် ဇာတ်တိုက်လေ့ကျင့်”
05 Jun
မွန်ပြည်နယ်၊ သထုံခရိုင်၊ ပေါင်မြို့နယ်မှာ ခရိုင်သဘာဝဘေးအန္တရာယ် စီမံခန့်ခွဲမှုကော်မတီ၏ ဦးဆောင်မှုနဲ့ ခရိုင်အဆင့် မုန်တိုင်းဘေးအန္တရာယ်နှင့် ရေဘေးအန္တရာယ် ဇာတ်တိုက်လေ့ကျင့်ခြင်း ဆောင်ရွက်ခဲ့ကြပါတယ်။ မုတ္တမကျေးရွာ၊ မြင်းတပ်ရပ်၊ သင်္ဘောဆိပ်ဟောင်းမှာ ပြုလုပ်ခဲ့ကြခြင်းဖြစ်ကာ သန္ဓေ၊ အရန်မီးသတ် တပ်ဖွဲ့ဝင်များ၊ သထုံခရိုင်/မြို့နယ်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ ဝန်ထမ်းများ၊ ပြည်သူ့ကျန်းမာရေးဦးစီး ဌာနမှဝန်ထမ်းများ၊ မြို့နယ်ကြက်ခြေနီအသင်းအဖွဲ့ခွဲဥက္ကဋ္ဌနှင့်အဖွဲ့ဝင်များ၊ လူမှုကူညီရေးအဖွဲ့ဝင်များနှင့် ပြည်သူများ ပူးပေါင်းပါဝင်ခဲ့ကြပါတယ်။ အခုဆောင်ရွက်ရာမှာ မုန်တိုင်းဘေးအန္တရာယ်နှင့် ရေဘေးအန္တရာယ်ကျရောက်လာပါက ဆောင်ရွက်ရမယ့် လုပ်ငန်းများနှင့် မုန်တိုင်းဘေးအန္တရာယ်ခံစားရသူများကို ဘေးလွတ်ရာသို့ ရွှေ့ပြောင်းပေးခြင်း၊ ရေပြင်အသက် ကယ်ဆယ်ခြင်း၊ ထိခိုက်သူများကို ရှေးဦးပြုစုပြီး ကျန်းမာရေးစောင့်ရှောက်မှုပေးခြင်း၊ မိမိတို့၏ ဘေးကင်းလုံခြုံရေး သတိပြုခြင်း၊ ရှာဖွေကယ်ဆယ်ရေးလုပ်ငန်းသုံးပစ္စည်းများ အသုံးပြုခြင်း စသည်တို့ကို သရုပ်ပြသ ဇာတ်တိုက် လေ့ကျင့်ခြင်းများ ဆောင်ရွက်ခဲ့ကြပါတယ်။ (NVS 004)
