ဆူးလေမှ ဒလသို့ ပြေးဆွဲလျက်ရှိတဲ့ လမ်းကြောင်းများထဲမှ နောက်ထပ်လမ်းကြောင်းအဖြစ် ဆူးလေမှ ဒလ (ချယ်ရီသင်္ဘောဆိပ်) ကို YBS လိုင်း ထပ်မံပြေးဆွဲပေးတော့မှာ ဖြစ်ပါတယ်။ အခုလိုပြေးဆွဲပေးခြင်းကြောင့် ပြည်သူများအနေနဲ့ ချယ်ရီသင်္ဘောဆိပ်မှ မိုးရာသီသဗ္ဗာန်စီးပြီး မြစ်ကူးရမည့် အန္တရာယ်ကို လျှော့ချပေးနိုင်တော့မှာ ဖြစ်ပါတယ်။ ယခုပြေးဆွဲပေးမယ့် ဂိတ်များမှာ ဆူးလေ-အနော်ရထာလမ်း - လမ်း (၃၀)- ကုန်ဈေးတန်း-လသာ- အရေးပေါ်- ဒလ - တွံတေးလမ်းဆုံ- ဆရာစံ- ဗိုလ်ချုပ်ပန်းခြံ- ဒလစာတိုက် -ချယ်ရီသင်္ဘောဆိပ် ဖြစ်ပါတယ်။ ထို့အတူ ဒလစာတိုက်- ဗိုလ်ချုပ်ပန်းခြံ- ဆရာစံ- ဒလ - တွံတေးလမ်း‌ဆုံ- အရေးပေါ်- မဟာဗန္ဓုလလမ်း- လသာသိမ်ကြီးဈေး- ဆူးလေ စတဲ့ ဂိတ်နေရာများသို့လည်း ပြေးဆွဲမှာ ဖြစ်ပါတယ်။ အခုလိုပြေးဆွဲပေးခြင်းဖြင့် ချယ်ရီသင်္ဘောဆိပ်၊ ဆူးလေနှင့် တွံတေးသို့ သွားလာသူများပိုမိုအဆင်ပြေမှာ ဖြစ်ပါတယ်။ ပြီးခဲ့တဲ့ရက်ပိုင်းကပင် ဒလ- တွံတေးကိုလည်း YBS ယှဉ်လိုင်းမှ ပြေးဆွဲပေးနေပြီး လက်ရှိမှာ ဒလမှ ဆူးလေ၊ တွံတေး၊ ဗိုလ်တထောင်ဘုရား၊ တွံတေး၊ ပျော်ဘွယ်ကြီး စုစုပေါင်း ၅ လိုင်းအထိ ရှိနေပြီ ဖြစ်ပါတယ်။ (NVS 004)