စပိန်တိုက်စစ်ကစားသမား ယာမယ် က ၂၀၂၆ ကမ္ဘာ့ဖလားပြိုင်ပွဲမှာ အသင်းချန်ပီယံဖြစ်ဖို့ မျှော်လင့်နေတယ်လို့ ပြောကြားခဲ့ပါတယ်။ စပိန်အသင်းဟာ ၂၀၁၀ ကမ္ဘာ့ဖလားပြိုင်ပွဲမှာ ပထမဆုံးအကြိမ် ဗိုလ်စွဲပြီးကတည်းက ပြိုင်ပွဲနောက်ဆုံး သုံးကြိမ်မှာ ရလဒ်မကောင်းခဲ့ပါဘဲ။ ၂၀၁၄ ကမ္ဘာ့ဖလားမှာ အုပ်စုအဆင့်က ထွက်ခဲ့ရပြီး ၂၀၁၈ နဲ့ ၂၀၂၂ ကမ္ဘာ့ဖလား ပြိုင်ပွဲတွေမှာ ၁၆ သင်းအဆင့်ထက် မပိုခဲ့ပါဘူး။ ယာမယ် ကိုယ်တိုင်လည်း လက်ရှိမှာ တံကောက်ကြောဒဏ်ရာနဲ့ ရင်ဆိုင်နေရပါတယ်။ စပိန်အသင်းနည်းပြ ဒယ်လာဖွန်တေ က ယာမယ် အနေနဲ့ ကမ္ဘာ့ဖလား အုပ်စုအဖွင့်ပွဲအမီ ပြန်ကစားနိုင်မယ်လို့ မျှော်လင့်နေပါတယ်။ စပိန်အသင်းဟာ ဇွန်လ ၁၅ ရက်မှာ ကိတ်ဗာဒီ၊ ဇွန်လ ၂၁ ရက်မှာ ဆော်ဒီအာရေဗျ၊ ဇွန်လ ၂၆ ရက်မှာ ဥရုဂွေးအသင်းတွေနဲ့ ယှဉ်ပြိုင်ကစားရမှာ ဖြစ်ပါတယ်။ (NVS 008)