အားကစားရေးရာဝန်ကြီးဌာနနှင့် မြန်မာနိုင်ငံစက်ဘီးအဖွဲ့ချုပ်(MCF)ကကြီးမှူး၍ ပြိုင်ပွဲအမျိုးအစား ၃ မျိုးပါဝင်သည့် (၆၄)ကြိမ်မြောက် ၂၀၂၆ မြန်မာနိုင်ငံစက်ဘီးတံခွန်စိုက်ပြိုင်ပွဲကို လာမည့် ဇွန်လ ၂၆ ရက်မှ ၂၈ ရက်ထိ ရန်ကုန်မြို့တွင် ကျင်းပသွားမည်ဖြစ်ကြောင်း သိရပါတယ်။ ပြိုင်ပွဲအမျိုးအစား ၃ မျိုးအနက် Road Race ပြိုင်ပွဲအမျိုးအစားကို ရန်ကုန်တိုင်းဒေသကြီး၊ လှည်းကူးမြို့၌ ဇွန်လ ၂၆ ရက်တွင်လည်းကောင်း၊ MTB XCO ပြိုင်ပွဲအမျိုးအစားကို တိုက်ကြီးမြို့၌ ဇွန်လ ၂၇ ရက်နှင့် Criterium ပြိုင်ပွဲအမျိုးအစားကို သုဝဏ္ဏအားကစားကွင်းရှိ Stadium Track ၌ ဇွန်လ ၂၈ ရက်တို့တွင် ကျင်းပသွားမှာ ဖြစ်ပါတယ်။ ပြိုင်ပွဲတွင် Road Race နှင့် Criterium ပြိုင်ပွဲတို့မှ ရမှတ်များကို ပေါင်းယူသွားမည်ဖြစ်ကာ MTB XCO ပြိုင်ပွဲအမျိုးအစားကိုတော့ သီးခြားပြိုင်ပွဲအဖြစ် အမှတ်ပေးသွားမှာဖြစ်ပြီး ယင်းပြိုင်ပွဲသို့ နိုင်ငံတစ်ဝန်းရှိ စက်ဘီးစီး ကလပ်အသင်းများ၊ တိုင်းဒေသကြီးနှင့် ပြည်နယ်များရှိ လက်ရွေးစင်စက်ဘီးစီးအသင်းများ ဝင်ရောက်ယှဉ်ပြိုင် နိုင်ကြောင်း သိရပါတယ်။ (NVS 004)