အမေရိကန်၏ အီရန်စစ်ပွဲအတွက် ပင်တဂွန်စစ်ဌာနချုပ်က ခန့်မှန်းကုန်ကျစရိတ်ကို ဒေါ်လာ ၂၉ ဘီလီယံ အထိ တိုးမြှင့်သတ်မှတ်လိုက်ကြောင်းသိရသည်။ သို့သော် ထိုပမာဏသည် သုတေသနအဖွဲ့အစည်းအချို့၏ ခန့်မှန်းချက်များထက် များစွာလျော့နည်းနေဆဲဖြစ်သည်။ ကုန်ကျစရိတ်အများစုမှာ အီရန်ကိုတိုက်ခိုက်ရာတွင် အသုံးပြုသည့် ခဲယမ်းမီးကျောက် လက်နက်ပစ္စည်းများကြောင့်ဖြစ်သည်ဟု ပင်တဂွန်စစ်ဌာနချုပ် ယာယီစာရင်း စစ်ချုပ်က အောက်လွှတ်တော် အသုံးစရိတ်ကော်မတီသို့ပြောသည်။ သို့သော်အမေရိကန်သည် စစ်ပွဲ၏ပထမရက်ပေါင်း ၆ဝ အတွင်းမှာပင် ဒေါ်လာ ၇၁ ဒသမ ၈ ဘီလီယံခန့် သုံးစွဲပြီးဖြစ်ကြောင်း Security Policy Reform Institute တည်ထောင်သူ စတီဖင်ဆမ်လာ က ပြောသည်။ ထို့ပြင် CSIS သုတေသနအဖွဲ့၏ အဆိုအရ အမေရိကန်သည် စစ်ပွဲကြောင့် Patriot နှင့် THAAD ကဲ့သို့အရေးကြီး ဒုံးခွင်းဒုံးစနစ် လက်နက်များ၏ထက်ဝက်ခန့်ကို အသုံးပြုခဲ့ရကြောင်း သိရသည်။ အမေရိကန်၏ ထောက်လှမ်းရေး အစီရင်ခံစာအရ အီရန်သည် ၎င်း၏ဒုံးကျည်လက်နက် ၇၀ ရာခိုင်နှုန်းကို ထိန်းသိမ်းထားနိုင်ဆဲဖြစ်ကြောင်း RT သတင်းဌာန ဖော်ပြချက်အရ သိရသည်။