“ယူရိုပါလိဂ်ဗိုလ်လုပွဲကို မတူညီတဲ့ အသင်း ၄ သင်းနဲ့အတူ ၆ ကြိမ်မြောက် တက်ရောက်နိုင်ခဲ့တဲ့ အူနိုင်းအမ်မရီ”
08 May
အက်စတွန်ဗီလာနည်းပြ အူနိုင်းအမ်မရီ ဟာ ယူရိုပါလိဂ်ဗိုလ်လုပွဲကို မတူညီတဲ့ ကလပ်အသင်း ၄ သင်းနဲ့အတူ (၆)ကြိမ်မြောက် တက်ရောက်နိုင်ခဲ့တဲ့နည်းပြအဖြစ် မှတ်တမ်းဝင်ခဲ့ပါတယ်။ စပိန်လူမျိုးနည်းပြ အူနိုင်းအမ်မရီ က ယူရိုပါလိဂ်ပြိုင်ပွဲမှာ ချန်ပီယံဆု ၄ ကြိမ်ရရှိထားတဲ့ အအောင်မြင်ဆုံး နည်းပြဖြစ်ပြီး ယူရိုပါလိဂ်ဘုရင်အဖြစ် တင်စားခံထားရသူဖြစ်ပါတယ်။ အူနိုင်းအမ်မရီ က ဆီဗီလာ၊ အာဆင်နယ်၊ ဗီလာရီးရဲလ်နှင့် လက်ရှိမှာ အက်စတွန်ဗီလာအသင်းနဲ့အတူ ယူရိုပါလိဂ်ဗိုလ်လုပွဲကို တက်ရောက်နိုင်ခဲ့တာ ဖြစ်ပါတယ်။ ဆီဗီလာအသင်းနဲ့ ရောက်ရှိခဲ့တဲ့ (၃)ကြိမ်လုံးတွင် ချန်ပီယံဆုရယူနိုင်ခဲ့သလို၊ ဗီလာရီးရဲလ်နဲ့ ရောက်ရှိခဲ့တဲ့ တစ်ကြိမ်မှာလည်း ချန်ပီယံဆုရယူနိုင်ခဲ့ပါတယ်။ အာဆင်နယ်အသင်းနဲ့ ရောက်ရှိခဲ့တဲ့တစ်ကြိမ်မှာတော့ ဒုတိယနဲ့သာ ကျေနပ်ခဲ့ရပါတယ်။ အူနိုင်းအမ်မရီ ဟာ ယူရိုပါလိဂ်ပြိုင်ပွဲရဲ့ နောက်ဆုံး(၁၃)ရာသီအတွင်းမှာ ဗိုလ်လုပွဲကို (၆)ကြိမ်တက်ရောက် နိုင်ခြင်းဖြစ်တာကြောင့် အံ့အားသင့်စရာကောင်းတဲ့ စွမ်းဆောင်ရည်မှတ်တမ်းဖြစ်ကြောင်း ချီးကျူးမှုတွေလည်း ရှိနေပါတယ်။(NVS 008)
