ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့်အထိမ်းအမှတ် နှစ်ရာ ကျပ်တန် အထူးထုတ် စာပို့တံဆိပ်ခေါင်း သစ် (၇)မျိုးရောင်းချပေးမယ်လို့ သိရပါတယ်။ အဆိုပါတံဆိပ်ခေါင်းများကို ဧပြီလ ၃၀ ရက်၊ ကဆုန်လပြည့်နေ့ နံနက် ကိုးနာရီခွဲမှစ၍ သီရိမင်္ဂလာ ကမ္ဘာအေးကုန်းမြေရှိ မဟာမင်္ဂလာအခမ်းအနား၏ အထိမ်းအမှတ်ပစ္စည်းအရောင်းဆိုင်နှင့် နေပြည်တော် ဗဟိုစာတိုက်ကြီး၊ ရန်ကုန်စာတိုက်ကြီး၊ မန္တလေးစာတိုက်ကြီးများတွင် စတင်ရောင်းချပေးသွားမှာဖြစ်ပါတယ်။ တံဆိပ်ခေါင်းသစ် ၇ မျိုးကို သာသနာရေးဝန်ကြီးဌာနမှ အတည်ပြုထားပြီး ဓာတ်ပုံဒီဇိုင်း ဦးအောင်ဇော်မြတ် (ကျော့သီသ)မှ ဒီဇိုင်းရေးဆွဲထားခြင်းဖြစ်ကာ ဒီဂျစ်တယ်ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာန၊ မြန်မာ့စာတိုက်လုပ်ငန်းမှ စီမံဆောင်ရွက်ပေးခြင်းဖြစ်ပါတယ်။ အထူးအစီအစဉ်အနေနဲ့ နေပြည်တော် ဗဟိုစာတိုက်ကြီး၊ ရန်ကုန်စာတိုက်ကြီး၊ မန္တလေးစာတိုက်ကြီးများမှာ ဧပြီလ ၃၀ တွင် ဝယ်ယူသော စာပို့တံဆိပ်ခေါင်းများနှင့် ပထမနေ့စာအိတ်များ(Firstday cover)များပေါ်၌ နေ့စွဲ အမှတ်အသားတံဆိပ်ရိုက်နှိပ်ပေးသွားမှာဖြစ်ပါတယ်။ (NVS 008)