ဟော်မုဇ်ရေလက်ကြား ရေကြောင်းသယ်ယူပို့ဆောင်မှု အတားအဆီးများ ဆက်လက်ရှိနေဆဲဖြစ်ပြီး အမေရိကန်နှင့် အီရန်အကြား ဒုတိယအကြိမ်ဆွေးနွေးမှုအလားအလာ မရေရာနေခြင်းကြောင့် ဈေးကွက်အတွင်း ဘေးအန္တရာယ်ရှောင်ရှားလိုသည့် ဝယ်လိုအားများ ထပ်မံမြင့်တက်လာခဲ့ရာ ကမ္ဘာ့ရေနံဈေးနှုန်းများသည် ဧပြီလ ၁၉ ရက် ညပိုင်း အရောင်းအဝယ်သီတင်းပတ် အသစ်စတင်ချိန်တွင် များစွာမြင့်တက်ခဲ့သည်။ အမေရိကန် အရှေ့ပိုင်းစံတော်ချိန်ဖြစ်သည့် ယင်းနေ့ ၁၉:၁၅ နာရီတွင် နယူးယောက် ကုန်စည်လဲလှယ်မှု (NYMEX)၏ မေလအတွက် ပေးပို့ရမည့် အပေါ့စားရေနံစိမ်း အနာဂတ်ဈေးနှုန်းသည် တစ်စည်လျှင် အမေရိကန် ဒေါ်လာ ၈၉ ဒသမ ၈၅ ဒေါ်လာအထိရှိလာပြီး ယခင်အရောင်းအဝယ်နေ့ ဈေးကွက်ပိတ်သိမ်းချိန်နှင့် နှိုင်းယှဉ်လျှင် ၇ ဒသမ ၁၆ ရာခိုင်နှုန်း မြင့်တက်ခဲ့သည်။ တစ်ချိန်တည်းတွင်ပင် ဇွန်လအတွက် ပေးပို့ရမည့် လန်ဒန်ဘရန့်ရေနံစိမ်း အနာဂတ်ဈေးနှုန်းသည် တစ်စည်လျှင် အမေရိကန်ဒေါ်လာ ၉၅ ဒသမ ၆၈ ဒေါ်လာအထိရှိပြီး ယခင်အရောင်းအဝယ် နေ့ ဈေးကွက်ပိတ်သိမ်းချိန်နှင့် နှိုင်းယှဉ်လျှင် ၅ ဒသမ ၈၆ ရာခိုင်နှုန်း မြင့်တက်ခဲ့သည်။ ဈေးကွက်၏ အကောင်းမြင်ခန့်မှန်းချက်များ အဟန့်အတားဖြစ်ခဲ့ခြင်းကြောင့် နယူးယောက် စတော့အိတ်ချိန်း အဓိကညွှန်းကိန်းသုံးခုလုံး၏ ရှယ်ယာအနာဂတ်ဈေးနှုန်းများသည် ဧပြီလ ၁၉ ရက် အရောင်းအဝယ် သီတင်းပတ် အသစ်စတင်ချိန်တွင် ၀ ဒသမ ၅ ရာခိုင်နှုန်းကျော် သိသိသာသာ ကျဆင်းခဲ့သည်။ တစ်ချိန်တည်းတွင်ပင် ကမ္ဘာ့ရွှေနှင့် ငွေ၏ အနာဂတ်ဈေးနှုန်းများသည် ၁ ဒသမ ၇ ရာခိုင်နှုန်းနှင့် ၂ ဒသမ ၇ ရာခိုင်နှုန်း အသီးသီးကျဆင်းခဲ့သည်။ (Repost from Xinhua Myanmar)