ရီးရဲလ်မက်ဒရစ်အသင်းတိုက်စစ်မှူး ဗင်နီစီယပ်စ်က မိမိအနေဖြင့် အသင်းတွင်သာ ကစားသမားဘဝ ကုန်ဆုံးလိုကြောင်း ထုတ်ဖော်ပြောကြားခဲ့ပါတယ်။ လက်ရှိအချိန်တွင် တိုက်စစ်မှူး ဗင်နီစီယပ်စ်ကို ဥရောပကလပ် အသင်းများစွာက ခေါ်ယူရန် စိတ်ဝင်စားနေသော်လည်း ၎င်းကိုယ်တိုင်က ရီးရဲလ်မက်ဒရစ်အသင်းတွင်သာ ဆက်ရှိ သွားမည်ဖြစ်ကြောင်း ပြောကြားခဲ့တာ ဖြစ်ပါတယ်။ အသက် ၂၅ နှစ်အရွယ် ဗင်နီစီယပ်စ် က ရီးရဲလ်မက်ဒရစ်အသင်းမှာပဲ ကစားသမားဘဝ ကုန်ဆုံးသွားလိုပြီး သူ၏မိသားစုကလည်း ဒီမှာပျော်ရွှင်နေကြောင်း ရီးရဲလ်အသင်းဟာလည်း သူ့အတွက် ကြီးကျယ်ခမ်းနားတဲ့ အသင်း တစ်သင်းဖြစ်ကြောင်း ပြောကြားခဲ့ပါတယ်။ ဗင်နီစီယပ်စ်ဟာ ရီးရဲလ်အသင်းနှင့်အတူ ၂၀၁၈-၂၀၁၉ ဘောလုံးရာသီ ကနေ ၂၀၂၅-၂၀၂၆ ဘောလုံးရာသီအထိ ပြိုင်ပွဲစုံ ၃၆၇ ပွဲကစားပြီး ၁၂၃ ဂိုးသွင်းယူကာ ခြေစွမ်းပြထားသူ ဖြစ်ပါတယ်။ (NVS 008)