ရီးရဲလ်အသင်းတိုက်စစ်မှူး အမ်ဘာပေ ရဲ့ဒူးဒဏ်ရာ ဟာ ခွဲစိတ်ကုသဖို့ မလိုအပ်ဘူးလို့ သိရပါတယ်။ အသက် ၂၇ နှစ်အရွယ် အမ်ဘာပေ ဟာ ၂၀၂၅ နှစ်ကုန်ကတည်းက ဘယ်ဘက်ဒူးဒဏ်ရာ ခံစားနေရတာ ဖြစ်ပါတယ်။ အမ်ဘာပေ ဟာ ပါရီမြို့ကို သွားရောက်ကာ ဒူးဒဏ်ရာနဲ့ပတ်သက်ပြီး စမ်းသပ်စစ်ဆေးမှုတွေ ခံယူနေတာ ဖြစ်ပါတယ်။ ဒါကြောင့် ဘင်ဖီကာအသင်းနဲ့ကစားတဲ့ ချန်ပီယံလိဂ် play-off ဒုတိယအကျော့ပွဲ၊ ဂီတာဖေးနဲ့ လာလီဂါအိမ်ကွင်းပွဲတွေကို လွဲချော်ခဲ့ရပါတယ်။ အမ်ဘာပေအနေနဲ့ လာမယ့်အပတ် မန်စီးတီးအသင်းနဲ့ ချန်ပီယံလိဂ် ၁၆ သင်းအဆင့် ပထမအကျော့ပွဲမှာလည်း ပါဝင်ကစားဖို့ မသေချာပါဘဲ ဖြစ်နေပါတယ်။ အမ်ဘာပေရဲ့ကိုယ်စားလှယ်တွေက ကစားသမားဟာ ပါရီမှာ ရီးရဲလ်ဆေးအဖွဲ့ဝင်တွေနဲ့ အတူရှိနေတယ်လို့ ပြောကြားခဲ့ပါတယ်။ (NVS 008)