မန်ယူအသင်း ယာယီနည်းပြ မိုက်ကယ်ကာရစ် က အဲဗာတန်အသင်းကို အနိုင်ရရှိခဲ့တဲ့ပွဲစဉ်မှာ အနိုင်ဂိုးသွင်းယူခဲ့တဲ့ တိုက်စစ်မှူး ရှက်ရှကို ဟာ မန်ယူအသင်းအတွက် အဓိကကစားသမားဖြစ်လာမယ်လို့ သုံးသပ် ခဲ့ပါတယ်။ ရှက်ရှကို ဟာ အဲဗာတန်နဲ့ပွဲမှာ လူစားဝင်ကာ ၇၁ မိနစ်မှာ အနိုင်ဂိုးသွင်းခဲ့ခြင်းဖြစ်ပြီး နည်းပြ ကာရစ် လက်ထက်မှာ Line-up ဝင်သောကစားသမားမဟုတ်ခဲ့ပေမယ့် အသင်းအတွက် အရေးကြီးချိန်နောက်ဆုံးမိနစ်များမှာ အနိုင်ဂိုးများသွင်းယူ ပေးနိုင်ခဲ့ပါတယ်။ ရှက်ရှကို ဟာ ဖူလ်ဟမ်၊ အဲဗာတန်အသင်းတို့နဲ့ပွဲစဉ်တွေမှာ အသင်းအတွက် အရေးပါတဲ့ အနိုင်ဂိုးသွင်းပေးခဲ့ပြီး ဝက်စ်ဟမ်းအသင်းနဲ့ပွဲစဉ်မှာ အဖိုးတန်ချေပဂိုး သွင်းယူခဲ့တာ ဖြစ်ပါတယ်။ ဒါကြောင့် အခုရာသီ ပြိုင်ပွဲစုံ ရှစ်ဂိုး သာ သွင်းယူထားပေမယ့် နောက်ဆုံးကစားထားတဲ့ ခုနစ်ပွဲမှာ ခြောက်ဂိုးအထိ သွင်းယူထားနိုင်ခဲ့ပါတယ်။ (NVS 008)