ကမ္ဘာ့ဘောလုံးအဖွဲ့ချုပ်(FIFA)က ဒဏ်ရာရလို့ ကုသမှုခံယူခဲ့ရတဲ့ ကစားသမားတွေ ကွင်းပြင်မှာ တစ်မိနစ် စောင့်ဆိုင်းပြီးမှ ပြန်လည်ကစားရမယ့် ဥပဒေသစ်ကို အဆိုတင်သွင်းခဲ့ပါတယ်။ FIFA အဆိုတင်သွင်းတဲ့ တစ်မိနစ်ဥပဒေကို စနေနေ့မှာပြုလုပ်မယ့် နိုင်ငံတကာဘောလုံးဘုတ်အဖွဲ့ အစည်းအဝေးမှာ အတည်ပြုမှာ ဖြစ်ပါတယ်။ FIFA ဟာ ပွဲအရှိန် ရပ်တန့်စေမှုနဲ့ အချိန်ဆုံးရှုံးစေမှုကို တားဆီးဖို့အရေး ဥပဒေသစ်ထုတ်ဖို့ ကြိုးပမ်းလာခဲ့တာဖြစ်ပါတယ်။ လိဂ်ပြိုင်ပွဲတွေမှာတော့ ကိုယ်ပိုင်စည်းမျဉ်းရှိပြီး ပရီးမီးယားလိဂ် ဟာ ၂၀၂၃-၂၄ ရာသီကတည်းက စက္ကန့် ၃၀ စည်းမျဉ်းကို အသုံးပြုခဲ့ပါတယ်။ FIFA အနေနဲ့ ဒီဇင်ဘာလအတွင်းက ကျင်းပခဲ့တဲ့ အာရပ်ဖလားပြိုင်ပွဲမှာ ကစားသမားတစ်ဦးအနေနဲ့ ကွင်းပြင်ပမှာ နှစ်မိနစ်စောင့်ဆိုင်းရမှုကို စမ်းသပ်ခဲ့ပါတယ်။ FIFA ဒိုင်လူကြီးအကြီးအကဲဖြစ်တဲ့ နာမည်ကျော် ဒိုင်လူကြီးဟောင်း ကော်လီနာ က ဥပဒေသစ်ကို ထောက်ခံမှုပြုလုပ်ခဲ့ပါတယ်။ ဒါပေမယ့် တစ်မိနစ်ကြာချိန်ဟာ ပွဲအဖြေကို သက်ရောက်မှုရှိနိုင်တယ်ဆိုပြီး စိုးရိမ်ပူပန်မှုတွေလည်း ရှိနေပါတယ်။ (NVS 008)