သီတဂူဆရာတော်ကြီးတည်ထောင်ခဲ့သော သီတဂူကေတုမတီဗုဒ္ဓတက္ကသိုလ်ကို နိုင်ငံတော်အသိအမှတ်ပြု တက္ကသိုလ်အဖြစ် ဖေဖော်ဝါရီလ ၂၁ ရက်ကကျင်းပခဲ့သည့် နဝမအကြိမ်၊ နိုင်ငံတော်ဗဟိုသံဃာ့ဝန်ဆောင်အဖွဲ့၊ ဒုတိယအစည်းအဝေး၊ တတိယနေ့အပြီး၌ သတ်မှတ်ခဲ့ကြောင်း သိရပါတယ်။ နိုင်ငံတော်အသိအမှတ်ပြု တက္ကသိုလ်အဖြစ် အသိအမှတ်ပြုလွှာကို သန်လျင်မင်းကျောင်းဆရာတော်ကြီးက ပေးအပ်တော်မူရာ သီတဂူကေတုမတီဗုဒ္ဓတက္ကသိုလ်၏ ကျောင်းအုပ်ဆရာတော် ဒေါက်တာ သီတဂူတိက္ခသာရ၊ ဦးဉာဏဝံသ(ဌာနမှူး၊ သုတေသနနှင့် ကျမ်းပြုဌာန)၊ ဦးဆန္ဒာဓိက(ဌာနမှူး၊ ကျောင်းသားရေးရာဌာန)တို့က လက်ခံ ရယူခဲ့ကြပါတယ်။(NVS 004)