“ကစားသမားဘ၀ ဂိုး ၅၀၀ ပြည့်ခဲ့တဲ့ ဟာရီကိန်း ကို ဘိုင်ယန်မြူးနစ်အသင်းက ဂုဏ်ပြု”
23 Feb
ဘိုင်ယန်မြူးနစ်အသင်းဟာ ပြီးခဲ့တဲ့အပတ်က ဝါဒါဘရီမင်အသင်းနဲ့ပွဲစဉ်မှာ ကစားသမားဘဝ ဂိုး ၅၀၀ ပြည့်ခဲ့တဲ့ တိုက်စစ်မှူး ဟာရီကိန်း ကို ဖရန့်ဖတ်အသင်းနဲ့ပွဲမစခင် ဂုဏ်ပြုပွဲ ပြုလုပ်ပေးခဲ့ပါတယ်။ ဟာရီကိန်း ဟာ ဝါဒါဘရီမင်အသင်းကို ၃ ဂိုး၊ ၂ ဂိုးနဲ့ အနိုင်ရတဲ့ပွဲစဉ်မှာ ကစားသမားဘဝ ၄၉၉ ဂိုးနဲ့ ဂိုး ၅၀၀ မြောက်ကို သွင်းယူခဲ့တာဖြစ်ပါတယ်။ ၎င်းရဲ့သွင်းဂိုး ၅၀၀ မှာ စပါးအသင်းအတွက် ဂိုး ၂၈၀၊ ဘိုင်ယန်မြူးနစ်အတွက် ၁၂၆ ဂိုး၊ အင်္ဂလန်လက်ရွေးစင်အတွက် ၇၈ ဂိုး၊ မီဝေါလ်အသင်းအတွက် ကိုးဂိုး၊ လေတန်အသင်းအတွက် ငါးဂိုး၊ လက်စတာအသင်းအတွက် ၂ ဂိုး သွင်းယူနိုင်ခဲ့ပါတယ်။ ဟာရီကိန်းအနေနဲ့ ဖရန့်ဖတ်ကို အနိုင်ရရှိတဲ့ပွဲစဉ်မှာလည်း နှစ်ဂိုးထပ်သွင်းခဲ့လို့ စုစုပေါင်း ၅၀၂ ဂိုးအထိ ရှိလာခဲ့ပါတယ်။ ဟာရီကိန်း ဟာ ဘိုင်ယန်အသင်းကို ၂၀၂၃ နွေရာသီမှာ ရောက်လာပြီးကတည်းက ပြိုင်ပွဲစုံ ၁၂၈ ဂိုး သွင်းယူထားပါတယ်။ အခုရာသီမှာတော့ ပြိုင်ပွဲစုံ သွင်းဂိုးစုစုပေါင်း ၄၃ ဂိုးအထိ ရှိနေခဲ့ပြီဖြစ်ပါတယ်။ (NVS 008)
