ကာတာနိုင်ငံ ဒိုဟာမြို့မှာ ကျင်းပနေတဲ့ Qatar Open တင်းနစ်ပြိုင်ပွဲ ဒုတိယအဆင့်ပွဲစဉ်များအဖြစ် ကမ္ဘာ့အဆင့်(၁) စပိန်တင်းနစ်ကစားသမား အယ်ကာရက်ဇ် နှင့် ပြင်သစ်တင်းနစ်ကစားသမား ရိုယာ၊ ကမ္ဘာ့အဆင့်(၂) အီတလီ တင်းနစ်ကစားသမား ဂျန်နစ်ခ်ဆင်နာ နှင့် ဩစတြေးလျ တင်းနစ်ကစားသမား ပေါ့ပရင် တို့ ယှဉ်ပြိုင်ခဲ့တာ ဖြစ်ပါတယ်။ အဆိုပါပွဲစဉ်မှာ အယ်ကာရက်ဇ် က ရိုယာ ကို ၆-၂၊၇-၅ နဲ့ လည်းကောင်း၊ ဂျန်နစ်ခ်ဆင်နာ က ပေါ့ပရင် ကို ၆-၃၊ ၇-၅ ရလဒ်နဲ့အနိုင်ရကာ ကွာတားဖိုင်နယ်အဆင့်သို့ တက်လှမ်းနိုင်ခဲ့ကြပါတယ်။ ကမ္ဘာ့အဆင့်(၁) တင်းနစ် ကစားသမားဖြစ်တဲ့ အယ်ကာရက်ဇ် က လက်ရှိအကောင်းဆုံးကစားသမား ဖြစ်ကြောင်းကို သက်သေပြနိုင်ခဲ့ပြီး ဂျန်နစ်ခ်ဆင်နာ အနေနဲ့ ကမ္ဘာ့အဆင့်(၁)နေရာကို ပြန်လည်တက်လှမ်းခွင့်ရရန် အကောင်းဆုံးကြိုးစားနေကာ ချန်ပီယံဆုအတွက် ပစ်မှတ်ထားနေတယ်လို့ သိရပါတယ်။ (NVS 008)