ပရီးမီးယားလိဂ်ပွဲစဉ် (၂၅) ရဲ့ နောက်ဆုံးပွဲစဉ်တစ်ပွဲဖြစ်တဲ့ လီဗာပူးလ်အသင်းနှင့် မန်စီးတီးအသင်း တို့ပွဲစဉ်မှာ မန်စီးတီးအသင်းက နောက်ကျပင်နယ်တီဂိုးနဲ့ အနိုင် သုံးမှတ်ရယူနိုင်ခဲ့ပါတယ်။ အဆိုပါပွဲစဉ်မှာ အိမ်ရှင်လီဗာပူးလ်အသင်းက မန်စီးတီးအသင်းကို ဖိအားပေးကစားထားနိုင်ခဲ့ပြီး အပြန်အလှန် တိုက်စစ်တွေနဲ့ စိတ်လှုပ်ရှားစရာကောင်းခဲ့ပါတယ်။ အခုပွဲစဉ်မှာ ပွဲချိန်မိနစ် ၇၀ ကျော်တဲ့အထိ ဂိုးမရှိသ‌ရေရလဒ် ဖြစ်ပေါ်ခဲ့ပေမယ့် မိနစ် ၇၄ မိနစ်မှာ ဆာဘိုဇက်လိုင်း က ပြစ်ဒဏ်ဘောမှတစ်ဆင့် အိမ်ရှင်လီဗာပူးလ်အသင်းအတွက် ဦးဆောင်ဂိုးသွင်းယူနိုင်ခဲ့ပါတယ်။ မန်စီးတီးအသင်းအတွက် ချေပဂိုးကို ပွဲချိန် ၈၄ မိနစ်မှ ဆေးဗားလ် က သွင်းယူခဲ့ပြီး အနိုင်သေချာစေမယ့် သွင်းဂိုးကိုတော့ နာကျင်အချိန်ပို ၃ မိနစ်မှာရရှိခဲ့တဲ့ ပင်နယ်တီမှတစ်ဆင့် ဟာလန်း က အမှားအယွင်းမရှိ သွင်းယူပေးနိုင်ခဲ့တာ ဖြစ်ပါတယ်။ ဒါကြောင့် မန်စီးတီးအသင်းက အိမ်ရှင် လီဗာပူးလ်အသင်းကို ၂ ဂိုး ၁ ဂိုး ဆိုတဲ့ ရလဒ်နဲ့ အနိုင်ရရှိခဲ့ပါတယ်။ အခုနိုင်ပွဲကြောင့် မန်စီးတီးအသင်းက ပရီးမီးယားလိဂ်အမှတ်ပေးဇယား ထိပ်ဆုံးမှ အာဆင်နယ်အသင်းကို ဆက်လက် ဖိအားပေးနိုင်ခဲ့ပါတယ်။ အခုပွဲပြီးဆုံးချိန်မှာတော့ မန်စီးတီးနည်းပြ ဂွါဒီယိုလာ က ချန်ပီယံပြေးလမ်းမှာ အပြောင်းအလဲများစွာ ဖြစ်လာနိုင်သေးတယ်လို့ အာဆင်နယ်အသင်းကို သတိပေးပြောကြားခဲ့ပါတယ်။ (NVS 008)