“နောက်ဆုံး ၅ နှစ်အတွင်း ငွေပိုသုံးထားတဲ့အသင်းတွေ ဆုဖလားရယူဖို့ လိုအပ်တယ်ဆိုတဲ့ ဂွါဒီယိုလာ ”
05 Feb
မန်စီးတီးနည်းပြ ဂွါဒီယိုလာ က နောက်ဆုံး ၅ နှစ်အတွင်း မိမိတို့ထက် ငွေပိုသုံးထားတဲ့အသင်းတွေအနေနဲ့ ဆုဖလားရယူဖို့ လိုအပ်နေပြီး မိမိတို့ထက် ဖိအားပိုများနေတယ်လို့ ပြောကြားခဲ့ပါတယ်။ မန်စီးတီးအသင်းကို ငွေကြေးသုံးစွဲမှုများပြားတဲ့အသင်းအဖြစ် သတ်မှတ်ထားကြပေမယ့် နောက်ဆုံး ၅ နှစ် အတွင်း ပရီးမီးယားလိဂ်မှာ အပြောင်းအရွှေ့အတွက် အသားတင်အသုံးစရိတ်အများဆုံး သုံးစွဲထားတဲ့အသင်းက မန်စီးတီးမဟုတ်ဘဲ မန်ယူအသင်းဖြစ်နေကြောင်း သိရပါတယ်။ဒါ့အပြင် မန်စီးတီးအသင်းက အသားတင်သုံးစွဲမှုမှာ ပြိုင်ဘက် ၆ သင်းရဲ့နောက် အဆင့်(၇)နေရာမှာသာ ရပ်တည်နေကြောင်း သိရပါတယ်။ ပရီးမီးယားလိဂ်မှာ နောက်ဆုံး ၅ နှစ်အတွင်း အသားတင်သုံးစွဲမှုအများဆုံးအသင်းတွေက မန်ယူအသင်းက ၆၇၅ သန်း၊ အာဆင်နယ်အသင်းက ၆၆၃ သန်း၊ ချဲလ်ဆီးအသင်းက ၆၅၁ သန်း၊ စပါးအသင်းက ၅၇၄ သန်း၊ နယူးကာဆယ်အသင်းက ၄၂၄ သန်း၊ လီဗာပူးလ်အသင်းက ၄၂၀ သန်း၊ မန်စီးတီးအသင်းက ၃၉၆ သန်း တို့ဖြစ်ကြောင်း သိရပါတယ်။ (NVS 008)
