အီတလီစီးရီးစီကလပ် တာနာနာအသင်းရဲ့ဥက္ကဋ္ဌ ကလော်ဒီယာရစ်ဇို ဟာ ပရော်ဖက်ရှင်နယ် ဘောလုံး လောကမှာ အသက်အငယ်ဆုံး အမျိုးသမီးဥက္ကဋ္ဌအဖြစ် မှတ်တမ်းဝင်ခဲ့ကြောင်း သိရပါတယ်။ တာနာနာအသင်းဟာ သုံးနှစ်ဆက်တိုက် ပိုင်ရှင်အပြောင်းအလဲဖြစ်ခဲ့ပြီး လက်ရှိပိုင်ရှင်သစ်ဖြစ်တဲ့ ဂီယန်လူဂီရစ်ဇို က သမီးဖြစ်သူ ကလော်ဒီယာရစ်ဇို ကို အသင်းဥက္ကဋ္ဌအဖြစ် ခန့်အပ်တာဝန်ပေးခဲ့တာဖြစ်ပါတယ်။ ကလော်ဒီယာရစ်ဇို ဟာ အသက် ၂၃ နှစ်သာရှိသေးတာကြောင့် ပရော်ဖက်ရှင်နယ်ဘောလုံးလောကမှာ အသက်အငယ်ဆုံးအမျိုးသမီးဥက္ကဋ္ဌ ဖြစ်လာခဲ့သလို၊ တာနာနာအသင်းရဲ့ နှစ်(၁၀၀)သက်တမ်းအတွင်း ပထမဆုံး အမျိုးသမီး ဥက္ကဋ္ဌအဖြစ်လည်း မှတ်တမ်းဝင်ခဲ့ကြောင်း သိရပါတယ်။ ကလော်ဒီယာရစ်ဇိုက တာနာနာအသင်းကို မိဘတွေရည်မှန်းထားတဲ့အတိုင်း ဖြစ်လာအောင် ကူညီပေးနိုင်ဖို့ မျှော်လင့်ထားကြောင်း ပြောကြားခဲ့ပါတယ်။(NVS 008)