ကမ္ဘာ့ခရီးသွားလုပ်ငန်းနေ့(World Tourism Day) အထိမ်းအမှတ်အဖြစ် ဆောင်းပါးပြိုင်ပွဲကို ကျင်းပပြုလုပ် သွားမှာဖြစ်လို့ ဟိုတယ်နှင့်ခရီးသွားကဏ္ဍကို စိတ်ပါဝင်စားတဲ့ မြန်မာနိုင်ငံသားများ ဝင်ရောက်ယှဉ်ပြိုင်နိုင်ကြောင်း ဟိုတယ်နှင့်ခရီးသွားလာရေးဝန်ကြီးဌာန ဟိုတယ်နှင့်ခရီးသွားညွှန်ကြားမှုဦးစီးဌာနက ဖိတ်ခေါ်ထားပါတယ်။ အဆိုပါပြိုင်ပွဲမှာ ၂၀၂၅ ခုနှစ်၊ ကမ္ဘာ့ခရီးသွားလုပ်ငန်းနေ့ဆောင်ပုဒ်ဖြစ်သော "Tourism and Transformation ခရီးသွားကဏ္ဍရေရှည်ဖွံ့ဖြိုးဖို့၊ စဉ်ဆက်မပြတ်ဖော်ဆောင်စို့” ခေါင်းစဥ်အောက်မှ မြန်မာဘာသာဖြင့် ဆောင်းပါးရေးသား ရမည်ဖြစ်ပြီး စာမျက်နှာ (၅ မှ ၈ မျက်နှာအထိ) A4 စာရွက်တွင် Pyidaungsu Font Size 13 Line Spacing 1.5 ကိုအသုံးပြုရမည်ဖြစ်ပါတယ်။ ဆုကြေးများအနေနဲ့ ပထမဆု ၅၀၀,၀၀ဝ၊ ဒုတိယဆု ၄၀၀,၀၀ဝိ၊ တတိယဆု ၃၀၀,၀၀ဝနှင့် နှစ်သိမ့် ဆု ၁၀၀,၀၀ဝ (၇) ဆုတို့ကိုချီးမြှင့်သွားမှာဖြစ်ပါတယ်။ ဆောင်းပါးများကို လာမည့်စက်တင်ဘာလ ၅ ရက် နောက်ဆုံးထားကာ [email protected] သို့ ပေးပို့ရမှာဖြစ်ပါတယ်။ ဆောင်းပါးပေးပို့ရာမှာ အမည်၊ ဆက်သွယ်ရန်လိပ်စာ၊ အီးမေးလ်နှင့် ဖုန်းနံပါတ်တို့ကို ပြည့်စုံစွာဖော်ပြ၍ ကိုယ်တိုင်ရေးစာမူဖြစ်ကြောင်း ကတိခံဝန်ချက်နှင့်အတူ ပေးပို့ရမည်ဖြစ်ပြီး အသေးစိတ်အချက်အလက်များကို ဟိုတယ် နှင့်ခရီးသွားလာရေးဝန်ကြီးဌာန၊ ရုံးဖုန်း ၀၆၇-၃၄၀၆၁၀၄ သို့ရုံးချိန်အတွင်း ဆက်သွယ်စုံစမ်းမေးမြန်းနိုင်ကြောင်း သိရပါတယ်။ ပြိုင်ပွဲတွင်ရွေးချယ်ခံရသူများကို ဟိုတယ်နှင့်ခရီးသွားလာရေးဝန်ကြီးဌာန၏ Website: www.tourism. gov.mm/en/announcements, www.tourism.gov.mm/mm/announceme တို့မှာ ကြေညာပေးသွားမည်ဖြစ်ပြီး ဆုရရှိသူများကို ၂၀၂၅ ခုနှစ်၊ စက်တင်ဘာလ ၂၇ ရက်၊ ကမ္ဘာ့ခရီးသွားလုပ်ငန်းနေ့ အခမ်းအနားမှာ ဆုများကိုချီးမြှင့် ပေးအပ်သွားမည်ဖြစ်ကြောင်းလည်း သိရပါတယ်။ (NVS 004)