“ဘဏ္ဍာနှစ် ၃ လတာ ကာလအတွင်း ပြည်ပသို့ ပဲမျိုးစုံတန်ချိန် ၄ သိန်းကျော်တင်ပို့ထား”
25 Jul
၂၀၂၅ –၂၀၂၆ ဘဏ္ဍာနှစ်ရဲ့ ပထမ ၃ လတာကာလအတွင်း ပင်လယ်ရေကြောင်းမှ ပြည်ပသို့ ပဲမျိုးစုံ တန်ချိန် ၄၄၃,၀၀၀ တင်ပို့ထားကြောင်း မြန်မာနိုင်ငံပဲမျိုးစုံ၊ ပြောင်းနှင့် နှမ်းကုန်သည်များအသင်းမှ သိရပါတယ်။ ယခုဘဏ္ဍာနှစ် ဧပြီလမှဇွန်လအထိ ၃ လတာကာလအတွင်း ပြည်ပသို့ ပဲမျိုးစုံတင်ပို့မှုမှ ပို့ကုန်တန်ဖိုးအမေရိကန် ဒေါ်လာသန်း ၃၆၀ နီးပါးရရှိထားပြီးဖြစ်ပါတယ်။ ယခုဘဏ္ဍာနှစ်အတွင်း ပြည်ပသို့ ပဲမျိုးစုံတန်ချိန် ၁ ဒသမ ၈၃ သန်း တင်ပို့နိုင်ရန်လျာထားပြီး ပို့ကုန်ဝင်ငွေ အမေရိကန်ဒေါ်လာ ၁ ဒသမ ၄၈ ဘီလီယံရရှိရန် ဆောင်ရွက်လျက်ရှိပါတယ်။ ပြည်ပသို့ ပဲမျိုးစုံတင်ပို့ရာတွင် ပင်လယ်ရေကြောင်းမှ အဓိကထားတင်ပို့နေခြင်းဖြစ်ပြီး ပြီးခဲ့တဲ့ ၂၀၂၄ -၂၀၂၅ ဘ ဏ္ဍာနှစ်က ပြည်ပသို့ ပဲမျိုးစုံတန်ချိန် ၂ ဒသမ ၁၄ သန်း တင်ပို့နိုင်ခဲ့ပြီး ပို့ကုန်ဝင်ငွေ အမေရိကန်ဒေါ်လာ ၁ ဒသမ ၈၂ ဘီလီယံ ရရှိခဲ့ပါတယ်။ မြန်မာနိုင်ငံမှ ပဲမျိုးစုံကို အိန္ဒိယနိုင်ငံသို့ အများဆုံးတင်ပို့နေခြင်းဖြစ်ပြီး တရုတ်နှင့် ဥရောပသမဂ္ဂနိုင်ငံများကို တင်ပို့လျက်ရှိနေပါတယ်။ ပြည်ပသို့တင်ပို့ရာမှာ မတ်ပဲ၊ ပဲတီစိမ်း၊ ပဲစင်းငုံ၊ ပဲယဉ်း၊ ထောပတ်ပဲ အစရှိတဲ့ ပဲအမျိုးအစားပေါင်း ၂၀ ကို တင်ပို့နေကြောင်း မြန်မာနိုင်ငံပဲမျိုးစုံ၊ ပြောင်းနှင့် နှမ်းကုန်သည်များအသင်းမှ သိရပါတယ်။ (NVS 004)
