မြန်မာ့ရိုးရာလက်ဝှေ့မယ် နော်ဥမ္မာစိုးဟာ ထိုင်းနိုင်ငံမှာ ကျင်းပမယ့် မွေထိုင်းပွဲမှာ ဂျာမနီအမျိုးသမီးဖိုက်တာ အစ္စဘယ်ဇစ်ပတ်နဲ့ ယှဥ်ပြိုင်ထိုးသတ်သွားဖို့ ရှိနေပါတယ်။ ဇူလိုင်လ ၂၄ ရက်တွင် ထိုင်းနိုင်ငံ၊ ဖူးခက်မြို့ရှိ Patong Boxing Stadium မှာ ကျင်းပပြုလုပ်မယ့် Patong Fight Night လို့ အမည်ရတဲ့ မွေထိုင်းပွဲမှာ တွဲဆိုင်း ၆ ဆိုင်းပါဝင်တယ်လို့ သိရပါတယ်။ နော်ဥမ္မာစိုးနဲ့ ဂျာမန်အမျိုးသမီး ဖိုက်တာ အစ္စဘယ်တို့ ဟာ ဝိတ်တန်း ၁၁၉ ပေါင်ဝိတ်တန်းပွဲစဉ်တွင် ယှဥ်ပြိုင်ထိုးသတ်ကြမယ်လို့ သိရပါတယ်။ မြန်မာ့ရိုးရာလက်ဝှေ့မယ် နော်ဥမ္မာစိုး ဟာ ပြီးခဲ့တဲ့ဇွန်လအတွင်းက ထိုင်းအမျိုးသမီးဖိုက်တာ ဘူဆာရာခမ် နဲ့ ကစ်ဘောင်ဆင် ယှဥ်ပြိုင်ထိုးသတ်ခဲ့ပြီး ဒိုင်ပွဲရပ်နဲ့ အနိုင်ရရှိထားပါတယ်။ (NVS 008)