ကိုရီးယားနိုင်ငံရှိ တက္ကသိုလ်တစ်ခုခုမှာ ပညာသင်ခွင့်အတွက် ကျောင်းလခနှင့် နေထိုင်စရိတ် အခက်အခဲ ရှိနေတဲ့ ကျောင်းသား၊သူများကို ပညာသင်ဆုပေးအပ်မည်ဖြစ်ကြောင်း ဆိုးလ်မြို့ရှိ မြန်မာသံရုံးမှ အသိပေးထုတ်ပြန် ထားပါတယ်။ Global Elim Foundation မှ ကိုရီးယားသမ္မတနိုင်ငံရှိ တက္ကသိုလ်တစ်ခုခုတွင် ဘွဲ့ကြို၊ မဟာဘွဲ့နှင့် ဒေါက်တာဘွဲ့(ကိုရီးယားဘာသာစကားသင်တန်းမပါ) တက်ရောက်ခွင့်ရရှိထားပြီး ကျောင်းလခနှင့် နေထိုင်စရိတ် အခက်အခဲရှိနေတဲ့ မြန်မာနိုင်ငံသား ကျောင်းသား၊သူ ၂ ဦးအတွက် “Global Elim Foundation Scholarship (GEFS) ပညာသင်ဆု” ကို စိစစ်ရွေးချယ်ပေးအပ်မည်ဖြစ်ပါတယ်။ ဒါ့ကြောင့်သတ်မှတ်ထားတဲ့ အရည်အချင်းနှင့်ကိုက်ညီသော လျှောက်ထားလိုသူများသည် ယခုကြေညာချက် မှာ ပူးတွဲပါရှိတဲ့ စာရွက်စာတမ်း/အထောက်အထားတို့ကို ပြည့်စုံစွာဖြည့်စွက်ပြီး ဇူလိုင်လ ၂၅ ရက် ညနေလေးနာရီ နောက်ဆုံးထား၍ မြန်မာသံရုံး၊ ဆိုးလ်မြို့ (လိပ်စာ Hannam-daero 28-gil 12, Yongsan-gu, Seoul, 04418) သို့ လူကိုယ်တိုင်လာရောက်၍သော်လည်းကောင်း၊ စာတိုက်မှတစ်ဆင့် သတ်မှတ်ချိန်အမီ အရောက်ပေးပို့၍ သော်လည်း ကောင်း လျှောက်ထားနိုင်ကြောင်း အသိပေးထားပါတယ်။ သတ်မှတ်ရက်ထက်ကျော်လွန်ပြီးမှ ရောက်ရှိလာတဲ့ လျှောက်လွှာများကို လက်ခံ စဉ်းစားပေးမည်မဟုတ်ကြောင်း အသိပေးကြေညာထားပါတယ်။ (NVS 004)