ကမ္ဘောဒီးယားနိုင်ငံ၊ ဖနွမ်းပင်မြို့မှာ ကျင်းပခဲ့တဲ့ အာရှလူငယ်ကြက်တောင်ပြိုင်ပွဲမှာ မြန်မာကြက်တောင် လူငယ်လက်ရွေးစင်အသင်းဟာ အသင်းလိုက်ပြိုင်ပွဲတွေမှာ ရွှေ ၁၂ ခု ရရှိခဲ့တယ်လို့ မြန်မာနိုင်ငံ ကြက်တောင် အဖွဲ့ချုပ်ကနေ သိရပါတယ်။ Badminton Asia Regional Championships 2025 (Southeast Asia) Mixed Team & Individual Event ပြိုင်ပွဲမှာ မြန်မာအသင်းဟာ ရွှေ ၁၂ ခုအပြင် ငွေ ၃ ခုနဲ့ ကြေး ၈ ခု စုစုပေါင်း ဆုတံဆိပ် ၂၃ ခု ရရှိခဲ့ပါတယ်။ ဇူလိုင်လ ၇ ရက်ကနေ ၁၂ ရက်အထိ ကျင်းပခဲ့တဲ့ ပြိုင်ပွဲမှာ မြန်မာအသင်းဟာ အသင်းလိုက် U-15 ၊ U-17 နဲ့ U-23 ပြိုင်ပွဲတွေနဲ့ အမျိုးသားတစ်ယောက်ချင်း၊ အမျိုးသမီးတစ်ယောက်ချင်း၊ အမျိုးသမီးနှစ်ယောက်တွဲ၊ အမျိုးသားနှစ်ယောက်တွဲနဲ့ အမျိုးသား၊ အမျိုးသမီးနှစ်ယောက်တွဲ ပြိုင်ပွဲတွေမှာ ရွှေ ၉ ခု၊ ငွေ ၃ ခု၊ ကြေး ၈ ခု ရရှိခဲ့တာ ဖြစ်တယ်လို့ မြန်မာနိုင်ငံ ကြက်တောင်အဖွဲ့ချုပ်က သိရပါတယ်။ အခုကျင်းပခဲ့တဲ့ အာရှလူငယ်ကြက်တောင်ပြိုင်ပွဲမှာ ကမ္ဘောဒီးယား၊ မြန်မာ၊ လာအို၊ တီမောနဲ့ ဘရူနိုင်း စတဲ့ နိုင်ငံ ၅ နိုင်ငံ ပါဝင်ယှဉ်ပြိုင်ခဲ့တာ ဖြစ်ပါတယ်၊၊ (NVS 008)