လန်ဒန်မြို့ Queen’s Club မှာ ကျင်းပနေတဲ့ Queen’s Club Championship တင်းနစ်ပြိုင်ပွဲမှာ ဗြိတိန်နံပါတ် (၁)တင်းနစ်သမား ဂျက်ဒရက်ပါ ဟာ ချက်သမ္မတနိုင်ငံ တင်းနစ်သမား လီချက်ကာ ကို အကြိုဗိုလ်လုပွဲမှာ ရှုံးနိမ့် သွားခဲ့ပါတယ်။ ဂျက်ဒရက်ပါ ဟာ အာသီးရောင်ရောဂါဝေဒနာကို ခံစားနေရတာကြောင့် အဆိုပါပွဲစဉ်မှာ ရုန်းကန်နေခဲ့ရပြီး ချက်တင်းနစ်သမား လီချက်ကာ ကို ၆-၄၊ ၄-၆၊ ၇-၅ နဲ့ ရှုံးနိမ့်သွားခဲ့ရတာ ဖြစ်ပါတယ်။ မြေစေးကွင်းတွေနဲ့ကျင်းပတဲ့ French Open ပြိုင်ပွဲ ပြီးတဲ့နောက် တစ်ပတ်အကြာမှာ Queen’s Club Championship ကို မြက်ခင်းကွင်းတွေမှာ ကျင်းပတာဖြစ်ပြီး Wimbledon ပြိုင်ပွဲ မစတင်မီတစ်ပတ်အလိုမှာ ပြီးဆုံးမှာ ဖြစ်ပါတယ်။ (NVS 008)