MNL League Cup ပြိုင်ပွဲကွာတားဖိုင်နယ်ပွဲစဉ်မှာ လက်ရှိချန်ပီယံ ရှမ်းယူနိုက်တက်အသင်းအပါအဝင် ရန်ကုန်ယူနိုက်တက်၊ ရတနာပုံနဲ့ ဧရာဝတီယူနိုက်တက်အသင်းတို့က ဆီမီးဖိုင်နယ်အဆင့်ကို တက်ရောက်နိုင် ခဲ့ပါတယ်။ ကွာတားဖိုင်နယ်ပွဲစဉ်တွေမှာ လက်ရှိချန်ပီယံ ရှမ်းယူနိုက်တက်အသင်းက မြဝတီအသင်းကို ၂ ဂိုး၊ ဂိုးမရှိ၊ ဧရာဝတီယူနိုက်တက်အသင်းက ရခိုင်ယူနိုက်တက်အသင်းကို ၃ ဂိုး ဂိုးမရှိ၊ ရန်ကုန်ယူနိုက်တက်အသင်းက ဟံသာဝတီယူနိုက်တက်အသင်းကို ပယ်နယ်တီအဆုံးအဖြတ် ၃ ဂိုး၊ ၁ ဂိုး၊ ရတနာပုံအသင်းက Dagon Port အသင်းကို ပယ်နယ်တီအဆုံးအဖြတ် ၇ ဂိုး၊ ၆ ဂိုးနဲ့ အနိုင်ရခဲ့တာဖြစ်ပါတယ်။ ဆီမီးဖိုင်နယ်ပွဲတွေအဖြစ် ဇွန်လ ၂၃ ရက်မှာ ရန်ကုန်ယူနိုက်တက်အသင်းနဲ့ ရတနာပုံအသင်း၊ ဇွန်လ ၂၄ ရက် မှာ ရှမ်းယူနိုက်တက်နဲ့ ဧရာဝတီယူနိုက်တက်အသင်းတို့ သုဝဏ္ဏကွင်းတွင် ကစားမှာဖြစ်ပါတယ်။ ရန်ကုန်ယူနိုက်တက် နဲ့ ရတနာပုံအသင်းဟာ ပြီးခဲ့တဲ့နှစ်တုန်းကလည်း ဆီမီးဖိုင်နယ်အဆင့်မှာ တွေ့ဆုံဖူးပြီး ဆီမီးဖိုင်နယ်ရောက်ရှိတဲ့ လေးသင်းမှာ ဧရာဝတီယူနိုက်တက်အသင်းက ပထမဆုံးဆီးမီးဖိုင်နယ်ကို တက်ရောက်လာတာဖြစ်ပါတယ်။ (NVS 008)